حلى الفناجين المقلوبة

السلام عليكم ورحمة الله وبركاته

المقادير ::

1 باكيت بسكوت شاهي
1 علبة قشطة
ا ملعقة كاكاو بودرة
شكولاتة جالكسي فلوتات الأصابع
بسكوت أوريو
الخلطة [ 4 حبات جبن كيري + نصف علبة حليب نستلة كبير + 1 ملعقة نسكافية ]

الأدوات

(( فناجين قهوة صغيرة - نايلون للتغليف ))

الطريقة ::

أولا // نغلف فناجين القهوة بالنايلون هكذا

ثانيا // نخلط علبة القشطة مع الكاكاو جيدا ثم نعجنه ببسكويت الشاهي المطحون حتى تتكون لدينا عجينة
مثل الصورة

ثالثا // نكور العجينة ثم نلبسها للفنجان هكذا ((يعني تكون مجوفة وتأخذ شكل الفنجان ))

رابعا // نكسر الجالكسي الفلوتات بالسكين ثم نضع مقدار ملعقة صغيرة في الفنجان

خامسا // نضع مقدار ملعقة من الخليط المكون من [ 4 حبات جبن كيري + نصف علبة حليب نستلة كبير + 1 ملعقة نسكافية ]

سادسا // نقسم حبة الأوريو إلى نصفين ونأخذ احد النصفين ونغمسه بقليل من الحليب ونغطي به الفنجان وهكذا مع باقي الفناجين

هذه صورة للخطوات كلها

نضعها في الثلاجة حتى تبرد وتتماسك

عند التقديم نقلبها وهذا شكلها بعد ما قلبناها ونزينها بصوص الهيرشي

هذي بعد ما قطعنا منها

ملاحظة للأخوات ///

ترى هذا الحلى ممكن كل مرة تسوينه تقدرين تغيرين النكهة ونوع الشكولاتة اللي تبين
وكذا ما تملينه
مثلا بدل شكولاتة الفلوتات تستخدمين أي شكولاتة تبينها
وبدل بسكوت الأوريو ممكن تحطين كيك سويس رول تقطعينه حلقات وتغطين الفنجان فيه
وبدل بسكوت الشاهي المطحون ممكن تستخدمين أي بسكوت انت تحبينه

وبالعافية

وش رايكم فيها .. اتمنى تعجبكم